Gran formato con ilustraciones A vida e as transformacións dos monumentos adoitan ser omitidas nos estudos xerais sobre Arquitectura. Este libro traza a historia dunha importante selección de edificios e conxuntos históricos, cos seus problemas de subsistencia, mantemento, restauración, derrubamento, traslados, reconstrución, réplicas, engadiduras ou perdas, para poder entender de forma fiable a realidade da arquitectura existente. Os profundos cambios experimentados chegan a ser tan radicais que poden facer o edificio irrecoñecible, sen deixarnos valorar convenientemente o que hai de auténtico e de novo na arquitectura do pasado. Non é, polo tanto, unha historia máis da restauración, cos seus criterios, alternativas e teorías sobre a intervención no patrimonio a través dos séculos, senon un seguimento dos procesos de transformación da arquitectura mesma. Os numerosos estudos e publicacións sobre a restauración dos monumentos soen incidir nunha serie de edificios moi notables, mais carecen dunha visión máis ampla da Historia da arquitectura a través das súas intervencións, obxectivo fundamental deste traballo.